'Tuiskoms in Junie' deur Elisabeth Eybers - 'n uitgebreide lesplan
’n Klaskamer is ’n onderwyser se huis weg van die huis af en leerders se veilige hawe, maar dit bly ons verantwoordelikheid om hul horison so ver moontlik oop te maak terwyl hulle in ons klaskamers is. Die wêreld is wyd en nog onbekend aan ons, maar maak nie saak waar ek myself bevind nie, Suid-Afrika sal altyd my ware tuiste wees. Die gedig Tuiskoms in Junie deur Elisabeth Eybers lees soos ’n kortverhaal – dit is gevul met liefde vir ’n plek wat haar gevorm het, waardering vir ’n plek wat haar met ope arms verwelkom het en op die ou einde verlange om terug te keer huis toe. Hierdie lesplan gee slegs een idee van hoe dié gedig aan leerders oor gedra kan word. Dit dien as inspirasie vir opvoeders reg oor die wêreld en as hulpbron vir verdere ondersoek in die dieper betekenis agter die gedig.
